ايه هيا انواع ال Data Structure ؟!!
وايه الفرق بين كل نوع من انواعها ؟!!

اهلا بيك عزيزى النهاردة هنتكلم عن انواع ال Data Structure وايه معنى كل نوع وايه الفرق بين كل نوع من انواع ال Data Structure 🤩

✅خلينا كالعادة نضرب مثال نفهم منه ايه انواع ال Data Structure المختلفة ✨

– تخيل كدا انك معاك مجموعة من البيانات ومتخزنين فى اتنين Data Structure مختلفين
– والاتنين Data Structure دول هما ال Array وال Graph
– يعنى كدا انتا معاك مجموعة بيانات متخزنة فى Array ومجموعة بيانات متخزنين فى Graph

– وانتا ركزت شوية فى الاتنين Data Structure دول علشان تفهم الفرق بينهم فهتلاحظ الاتى :

– ال Array بيكون كل عنصر فيها محاط بعنصرين بس ( يعنى بيكون قبله عنصر واحد بس ملتصق بيه وبعده عنصر واحد بس ملتصق بيه )
– على عكس ال Graph بيكون كل عنصر فيها محاط بعنصرين او اكثر ( يعنى ان كل عنصر ممكن يكون قبله اكتر من عنصر ملتصقين بيه وبعده اكتر من عنصر ملتصقين بيه بردو )

– ال Array بيتم اضافة العناصر الجديدة فيها بطريقة sequential ( طريقة متسلسلة ) بمعنى ان كل عنصر هنضيفه بيكون قبله عنصر واحد وبعده عنصر واحد او مفيش بعده اى عنصر ( نفس فكرة النقطة اللى قبل دى )
– على عكس ال Graph بيتم اضافة العناصر الجديدة فيها بطريقة nonsequential( طريقة غير متسلسلة ) بمعنى ان كل عنصر هنضيفه بيكون قبله عنصر واحد او اكثر وبعده عنصر واحد او اكثر او مفيش بعده اى عنصر

✅ خلينا بقا نروح لل Data Structure ونفهم ايه انواعها ✨

– ال Data Structure بتنقسم لنوعين اساسين وهما :

أ – ال Linear Data Structure :
– ودى ال Data Structure اللى بيتم ترتيب العناصر فيها بطريقة sequential ( طريقة متسلسلة )
– يعنى بيكون ترتيب العناصر فيها عنصر بعد عنصر وهكذا
– والنوع ده هو النوع اللى بتنتمى ليه ال ( Array )
– وشرح النوع ده هو المثال اللى طبقناه على ال Array فوق
– والنوع ده من ال Data Structure بيحتوى على ( Array – Linked List – Queue – Stack )

— والنوع ده من ال Data Structure بينقسم لنوعين تانين هما :
أ -Static data structure :
– وده النوع اللى بيكون Fixed Size ( حجمه ثابت )
– زى ال Array

ب – Dynamic data structure :
– وده النوع اللى بيكون dynamic size ( حجمها متغير )
– والنوع ده بيحتوى على بقية ال Linear data structure
– اللى هما ( Queue – Linked List – Stack )

ب – ال Non-linear data structure :
– ودى ال Data Structure اللى بيتم ترتيب العناصر فيها بطريقة nonsequential( طريقة غير متسلسلة )
– يعنى العنصر الواحد ممكن يكون قبله اكتر من عنصر وبعده اكتر من عنصر
– والنوع ده النوع اللى بتنتمى ليه ال ( Graph ) اللى شرحناها فى المثال
– وشرح النوع ده هو المثال اللى طبقناه على ال Graph فوق
– والنوع ده من ال Data Structure بيحتوى على ( Graph – Tree )